قصتي مع انفلونزا الخنازير تفطس ضحك هههههههه

اهليييييييييين وسهلييييييييين ومرحبتييييييييييين

كيفكم ياحلوييييييييين وش اخبااااااااركم ان شاء الله تماااااااااااام

قصتي مع انفلونزا الخنازير تفطس ضحك هههههههه 31

طيب اجلسوا عشان اقول لكم قصتي

في يوم من الأيام صحيت من النوم وانا طفشانه وقرفانه وضايق خلقي ومالي خلق احد

يعني لو احد يكلمني في هذاك الوقت كان ذبحته

وجيت جلست عند التلفزيون افرفر في هالمحطات البايخه

ولا اشوف اعراض انفلونزا الخنازير وجلست اتابع ابي اشوف وش هي الاعراض حقتها

وبعد ماخلصت الاعراض قعدت افكر اقول هالحين لو هي فيني وانا مادري وش اسوي<<<موسوسه

وطبعا كان المكيف مشغل وصاك فيني وعلى طووووول زكمت

اول مازكمت قلت ايييييييييوه هذي اكيييييد انفلونزا الخنازير اكيد جتني ياويلي

وفجأه حلقي قام يعورني قلت لا والله كملت الحين

وجيت بعد صخنت مررررررررره قلت خلاااااااص لازم اتشهد الحين<<<مستعجله خخخخخخخخخخ

ورحت جبت قلم وورقه وجلست اكتب وصيتي

ووصيتي هي كالتالي:

1ماما لاتخلين اخوي رش رش<<يقال لي ادلعه خخخخخخخخخخ

لا تخلينه ياخذ الاب توب عطيه اختي ربا

2_اختي......اتمنى لك حياة سعيده بعد زواجك واقول لك اني حتى لو ماحظرت زواجك بيكون حلو<<<مدري وش دخل ههههههههههه

3_كل املاكي اللي هي السرير حقي ودولابي اللي جمب السرير ترا فيه اسرار لاحد يفتحها

لازم الاوراق اللي في الدرج تحرقونها ولا تقرونها خلوا عنكم اللقافه

وسريري عطوه الخدامه لا تنسون

4_جوالي لحد ياخذه كسروه ولا شوفوا له صرفه او فجروه عاد انتوا اختاروا

5_الآيس كريم اللي في الثلاجه كلوه عليكم بالعافيه بس لاتتهاوشون عليه مو من زينه<<<شكله عفن خخخخخخخخخخخ

6_ترا اللعبه حقت ربا ماكسرتها زي ماقلت بس خبيتها تحت سرير بابا<<<ذكيه

7_لا تنسوني واذكروني بالخير تراني شهيده<<<استغفر الله

وكتبت آخر شي والله الموفق مدري وش دخل بس دائما اشوفها في اوراق بابا حقت الشركه

وبعد ماخلصت من الوصيه رحت ابي اسلم على ماما وبابا<<<يقال لي اودعهم خخخخخخخخخخ

جيت عند بابا وسلمت على راسه وقلت:بابي سامحني يوم قلت لك لا يكثر<<<ههههههههههههه

بابا عاد انصدم قال وش فيها البنت اول مره تجي تتأسف

وجيت عند ماماوقلت لها:ماما سامحيني يوم قلت لك رويقنا وانا نايمه لأني ماكنت ادري وين انا<<<فشيله

مامي وبابي عليهم ميه علامة استفهام وجيت قلت:خلاص ترا ماراح تشوفوني مره ثانيه

وركضت على غرفتي وانا اجهش من البكااااااااء<<<فلم باكستاني خخخخخخخخ

ورحت انسدحت على السرير وجلست ساعه اتشهد كل شوي اعيد وازيد في التشهد

وكل شوي اعطس واكح اعطس واكح كأني دجاجه عندها شد عضلي<<<مدري وش دخل خخخخخ

وقعدت ساااااااعه وانا اتشهد قلت حشى وش ذا الموت البطيء اخلص علي

وبالأخير نمت خخخخخخخخخخخخخخخخخخخخخخخخ

وماصحيت الا عالفطور وصحيت وانا منصدمه اقول وراي مامت باقي

بس طلع اللي فيني انفلونزا عاديه هههههههههههههههههههههههههه

ورحت على طوووووول شققت ورقه الوصيه حقتي <<<الله يخلف علي بس
هههههههههههههههههههههههه

الله الله بالبردووووووووود